നല്ല ശീലങ്ങള്‍

നല്ല ശീലങ്ങള്‍

എപ്പോഴും ഈശ്വരചിന്ത മനസ്സില്‍ ഉണ്ടാകണം. നമ്മുടെ എല്ലാ പ്രവൃത്തികളും അദൃശ്യമായ കണ്ണുകള്‍ പിന്തുടരുന്നുണ്ടെന്ന്‌ മനസ്സിലാക്കുക.
1. വെളുപ്പിന്‌ ബ്രാഹ്‌മ മുഹൂര്‍ത്തത്തില്‍ തന്നെ ഉണര്‍ന്നു ശീലിക്കണം.
2. വലതുവശം ചരിഞ്ഞ്‌ എഴുന്നേല്‍ക്കണം.
3. കണി കാണാനായി പ്രധാന ഹാളിലോ, മുറിയിലോ ഇഷ്‌ടദേവതയുടെ ഒരു ചിത്രം തൂക്കിയിടുക. ആ ദിവസം ശുഭമായിത്തീരും.
4. മാതാപിതാക്കള്‍, മുതിര്‍ന്നവര്‍ എന്നിവരെ നമസ്‌ക്കരിച്ചില്ലെങ്കിലും സന്തോഷവും ആദരവുമെങ്കിലും പ്രകടിപ്പിക്കുക.
5. കുളിച്ചു പൂജാമുറിയില്‍ ദീപം തെളിച്ചിട്ടേ സ്‌ത്രീകള്‍ അടുക്കളയില്‍ കയറാവൂ.
6. വീടിന്‌ വെളിയില്‍പ്പോകുമ്പോള്‍ മുതിര്‍ന്നവരോടു യാത്ര ചോദിക്കുക.
7. പരീക്ഷ, ഇന്റര്‍വ്യൂ, പ്രധാനകാര്യങ്ങള്‍ നടത്തുക, പുതിയ കരാറുകള്‍, ഇടപാടുകള്‍ എന്നിവയ്‌ക്കു പുറപ്പെടുക, ഈ സമയം മുതിര്‍ന്നവരുടെ പാദനമസ്‌ക്കാരം ചെയ്‌തോ, തൊഴുതു വണങ്ങിയോ അനുവാദം തേടുക. ഈശ്വരകൃപ വര്‍ദ്ധിക്കും.
8. മുതിര്‍ന്നവരെ പിന്നില്‍നിന്ന്‌ വിളിച്ചുനിര്‍ത്തി അനുമതി തേടരുത്‌. മുന്നില്‍ച്ചെന്ന്‌ കൈകൂപ്പിവേണം അനുഗ്രഹം തേടാന്‍.
9. ഗുരുക്കന്മാര്‍, യോഗിമാര്‍, ജ്‌ഞാനികള്‍ എന്നിവര്‍ക്കു മുന്നില്‍ സാഷ്‌ടാംഗ നമസ്‌ക്കാരം ചെയ്‌തുവേണം അനുഗ്രഹം തേടാന്‍. സ്‌ത്രീകള്‍ക്കും രോഗികള്‍ക്കും ഇതു ബാധകമല്ല.
10. കുളിക്കുമ്പോള്‍ രണ്ടു കൈയിലും വെളളമെടുത്ത്‌ ഇഷ്‌ടദേവനെ ധ്യാനിച്ച്‌ മുകളിലേക്ക്‌ എറിഞ്ഞ്‌ കുളിക്കുക.
11. നിത്യകര്‍മ്മങ്ങള്‍ ഭഗവാന്റെ പൂജയെന്ന്‌ സങ്കല്‌പിച്ച്‌ പൂര്‍ണ്ണ മനസ്സോടെ ചെയ്യുക. ഫലം ആഗ്രഹിക്കരുത്‌.
12. ഭക്ഷണം കഴിക്കുമ്പോള്‍ പ്രാര്‍ത്ഥിച്ചശേഷം അല്‌പം കാക്കക്കോ, മറ്റു ജീവജാലകങ്ങള്‍ക്കോ നല്‍കി ശീലിക്കുക.
13. സാധുക്കളായ ഒരാള്‍ക്കെങ്കിലും അല്‌പം ആഹാരം നിത്യവും നല്‍കി ശീലിക്കുക. അന്നദാനം മഹാദാനം.
14. പുരാണ പുസ്‌തകങ്ങള്‍ പാരായണം ചെയ്യുന്നതും സസ്യജാലങ്ങളെ സ്‌നേഹപൂര്‍വം പരിചരിക്കുന്നതും ഹോബിയാക്കുക.
15. സന്ധ്യാസമയത്ത്‌ വിളക്കു തെളിച്ചു പ്രാര്‍ത്ഥിക്കുക.
16. മിണ്ടാപ്രാണികളെ ദ്രോഹിക്കാതിരിക്കുക.
17. ആരെയും പറഞ്ഞു പറ്റിക്കരുത്‌.
18. ആരെങ്കിലും സഹായം അഭ്യര്‍ത്ഥിച്ചാല്‍ കഴിവതും ചെയ്യുക.
19. നമുക്ക്‌ അര്‍ഹപ്പെടാത്ത ഒരു ധനവും സ്വീകരിക്കരുത്‌.
20. പണം കടം കൊടുക്കുകയോ, വാങ്ങുകയോ ചെയ്യരുത്‌. അത്‌ ശത്രുക്കളെ സൃഷ്‌ടിക്കും.
21. ആശയും അഹങ്കാരവും വെടിഞ്ഞാല്‍ സൗഭാഗ്യം നമ്മെത്തേടിവരും.
22. കഴിയുന്ന ദിവസങ്ങളില്‍ ദേവാലയങ്ങളില്‍ പോയി പ്രാര്‍ത്ഥിക്കണം.
23. പാരിതോഷികം/ദാനം കഴിവതും സ്വീകരിക്കാതിരിക്കുക.
24. പ്രായമായ മാതാപിതാക്കളെ വൃദ്ധസദനത്തില്‍ ഏല്‌പിക്കാതിരിക്കുക. പിതൃശാപത്തില്‍നിന്നും രക്ഷനേടാം.
25. നന്മ ചെയ്‌താല്‍ ശനിദശാകാലവും ഏഴരശ്ശനിക്കാലവും കണ്ടകശ്ശനിക്കാലവും വലിയ ദോഷം കൂടാതെ കടന്നുപോകും. എപ്പോഴും ശനിഭഗവാന്റെ അനുഗ്രഹം ഉണ്ടാകും. എന്തെന്നാല്‍ ശനി സജ്‌ജനരക്ഷകനാണ്‌.
26. എപ്പോഴും ഈശ്വരചിന്ത മനസ്സില്‍ ഉണ്ടാകണം. നമ്മുടെ എല്ലാ പ്രവൃത്തികളും അദൃശ്യമായ കണ്ണുകള്‍ പിന്തുടരുന്നുണ്ടെന്ന്‌ മനസ്സിലാക്കുക.
27. അസൂയ, വാശി, വൈരാഗ്യം, പക, നിന്ദ, ക്രോധം എന്നീ വികാരങ്ങള്‍ മനസ്സില്‍നിന്നും പിഴുതു കളയുക. ദൈവാനുഗ്രഹം ഉണ്ടാകും.